Markasta oo aad guuldarraysato ha niyad jabin oo ha quusan ceeb maaha inaad guuldarraysato se waxaa ceeba inaad quusato ama aad kici waydo kufitaanka kadib. Guuldarradu waa salaan lagu gaadho guusha waa dhiirri galin haddii aad marlabaad isku daydo aad ku guulaysanayso waxaa ugu xun ayaa ah inaad quusato guuldarrada kadib halkaana ay ku baaba'aan rejooyinkii iyo riyooyinkaagii aad u halgamaysay ee aad dartood u guuldarraystay. - BarkhadHassan

Murugada waxaa sabab u noqon kara waxyaabo badan in aad guuldarraysato, in ay dhibaato kusoo wejahdo, in dhaawac jacayl aad la kulanto, in wax aad doonaysay ay kuu hagaagi waayaan iyo qaarkaloo badan balse xasuusnow marwalba oo niyad jabkaa iyo murugadaasi kaa muuqdaan oo aad muujiso in ay dadka qaar u qaadanayaan inaad daciif tahay ama bilaa awood ( adkaysi ) oo taasina sababi karto inaad xaalad adag sii gasho. Marwalba ahaw qof adag oo la tacaala xaaladaha iyo marxaladaha kala duwan ee nolosha kaga yimaada ahaw qof qarsan kara xanuunka gudihiisa ku jira ahaw qof u adkaysan kara marxalad kasta iyo caqabad kasta oo noloshu ku keento waxayna gaashaan kaaga noqonayaan hadalada aan wanaagsanayn iyo waxyaabaha ku niyad jabinaya ee kaaga imaanaya bulshada aad la nooshahay, ogow marwalba oo aad qarsato murugadaada oo aanad tusin ama usoo bandhigin dad aan ku fahmayn inaad awood u yeelanayso ka gudbida marxaladaa iyo dhibaatadaa kuu sababtay murugadu. Wakhtiyada qaar waxay murugada iyo niyad ...

Dadka qaar waxaa jira dadka kula nool boqolaal weji haddii aad aamintana wejiyadooda mid kamida ayay kugu dhaawacayaan ( khiyaamayaan) waana kuwa markasta dhaawaca qalbiyada daacada ah iyo shakhsiyaadka wan wanaagsan. Iska ilaali dadka qaar inaad si fudud ku aaminto waxaa laga yaabaa maalin maalmaha kamida inaad ka qoomamayso degdeguna ma wanaagsana, laga yaabaa inaad jacayl u qaado oo aad qalbigaaga siiso qof aan u qalmin oo ku khiyaami kara ku dhaawici kara kalsoonidaada dili kara ka feejignaw qofwalba oo aad xidhiidh la samaynayso si fududna haku aaminin. - BarkhadHassan

Kalsoonidu waa tiir isku haya laba qof oo kasta iskuna dhaw, kuwa is jecel, kuwa saaxiibada ah, kuwa walaalaha ah iyo laba kasta oo xidhiidh ka dhexeeyo ogow haddii ay dhaawacanto ama kalsoonidaasi burburto waxaa fudud in labadaa qof kala tagaan ama kala fogaadaan ama xidhiidhkii ka dhexeeyay uu go'o wayna adagtahay in dib loosoo celiyo wakhti badanna way qaadanaysa dhisida kalsoonidii burburtay. Ilaali qofwalba oo xidhiidh idinka dhaxeeyo kalsoonidiina iyo aaminaada dhexdiina taala siyaabo kala duwan ayay u burburi kartaa balse marwalba xooga saar in ay sii jirto kalsoonidaasi waxaa taana fududayn kara labada qof oo daacad isku ahaada, isku calool furnaada, is fahma wixii lasoo gudboonaadana isla xaliya. Qaar badan oo waxaa jira ku ciyaara kalsoonida dadka daacada ah iyagoo usii maraya xidhiidh nololeed iyo jacayl. Qaarkale oo waxaa jira sahal ku dhaawaca qalbiyo jecel oo u daacada iyagoo dana gaara leh ogowna marwalba oo aad qof kalsoonidiisa ku ciyaarto in adna markale lagugu ci...

Dadyowga ay badwaynta noloshu la quusto waa dadka aan noloshooda iyo diinta isku dabaqin, diintu waa doonta lagaga gudbo mawjadaha ugu waawayn nolosha kuwaasoo qaata kuwa iimaankoodu daciifay ku dhaqmida diintana aan joogtayn ogow marwalba oo aad diinta ku xeel dheeraato oo xidhiidhka adiga iyo rabigaa idinka dhexeeya uu wanaagsanaado waxaad si fudud uga gudbaysaa imtixaanka iyo dhibaatooyinka nolosha. Ahaw qof marwalba diinta ku dhagsan oo cibaadaysta gutana waajibaadka uu rabbi (SW) ku waajibiyay raali ahaanshaha ilaahay oo aad hesho waxad ku helaysaa liibaan adduun iyo mid aakhiraba. - BarkhadHassan

Ruuxwalba ruuxa uu ka ogaal iyo aqoon badanyahay ayuu nolosha ka yaqaana inaad qalinka u qaadato noloshaada waxay sabab u noqonaysaa inay noloshu kuu fududaato dhibaatooyinka iyo caqabadahana si fudud uga gudubto, adkaanshaha nolosha waxaa qaybwayn ka qaata jahliga iyo ogaal la'aanta wax qor wax akhri wax baro waxaa hubaala inaad deganaansho noloshaada ku dareento. - BarkhadHassan

Haddii aad akhrido sheekooyinka dadka guulaystay waxaa kow ka ah inay xili hore kici jireen aroortii ilaa wakhti xaadirkoogan, taasina waxay kuu cadaynaysaa in aas aaska guushu ka bilawdo subaxda hore. Haddii aad caadaysato inaad xili hore kacdo waxaa marag ma doon ah inaad wax wayn xaqiijinayso noloshaada, haddiise aad hurdada ku raagto waxaad soo kici iyadoo arsaaqdii la qaybsaday qofwalbana ku toosay hadafkii uu nolosha ka lahaa adiguna aad tahay qofka dadka ugu danbeeya marwalba oo aad ugu danbaysana waxaad u dhawdahay inaad guuldarraysto noqo marwalba midka kaalinta koowaad kaga jira maalintaa si naftaada iyo caqabadaha noloshaada aad uga adkaato. - BarkhadHassan

Waxyaabaha guusha lagu gaadho waxaa kamida inaanad marnaba ka quusan rajada aad leedahay iyo hammigaaga, sababtoo ah rajada aad leedahay waa nalka noloshaada kasii bidhiiqaya haddii aad damisana riyooyinkaagii way baaba'een waanad guuldarraysanaysa. Ku celcelinta waxa aad mar ku guuldarraysto waxaa aakhirka kasoo baxaya guul aad ku badhaadho iyo rejooyinkii aad nolosha ka lahayd oo kuu rumooba, ha quusan. - BarkhadHassan

Qofwalba waxaa soo mara wakhtiyo khayaal uu ku jiro wakhtigiisana uu ku dhameeyo dhacdadaas taasina ay sabab u noqoto inuu xaqiiqada u adkaysan waayo hadhaw. Marnaba khayaal haku dhamayn wakhtigaaga iyo noloshaada ee xaqiiqada u babac dhig oo waajah wixii kulaso gudboonaada noloshaada. - BarkhadHassan

Dunidan majirto raaxo waaraysa oo lagu noolaanayo sidoo kale rafaadka iyo dhibtu maaha qaar waaraya oo waa laga gudbaa balse haddii aad naftaada ka dhaadhiciso wakhtiyada aad raaxada iyo deganaanshaha ku sugantahay inaad ku waarayso waad riyoonaysa waxaynaya taasi sababi doontaa inaad u adkaysan waydo dhibka iyo rafaadka ka danbeeya raaxadaas. Marnaba haku kadsoomin daqiiqadaha raaxada ee noloshaada maxaa yeelay dunidan imtixaan ayaa la inoo keenay waana laga guurayaa mar ahaytaaba. - BarkhadHassan

Wakhtiyada qaar aadbay u wanaagsantahay inaad cidlo fadhiisato oo aad naftaada iyo noloshaada fagaarayso waxaanad fursad u helaysaa inaad ogaato oo aad dareento xalna u keento caqabadaha noloshaada iyo meesha dhibtu kaa haysato.